gondomar.tv
> Destacamos
Facendo augardente
Facendo augardente
Entrevista a Alfonso Mandado presidente do Gondomar C.F.
Entrevista a Alfonso Mandado presidente do Gondomar C.F.
Xeira nocturna polos petróglifos de Auga da Laxe en Víncios
Xeira nocturna polos petróglifos de Auga da Laxe en Víncios
Nacemento vivente
Nacemento vivente

262613_100419150053841_6982731_nVal Miñor, 25 de febreiro de 2015.

O IEM organiza o ciclo informativo “Invasoras silenciosas. Novas pragas no Val Miñor”.

Unha serie de especies invasoras (animais, plantas e outros organismos), xeralmente transportados e introducidos polo ser humano fóra das súas áreas naturais están establecidas e dispersas na nosa bisbarra con efectos negativos en diversos ecosistemas. A partir deste xoves 26 de febreiro ás 20:30 horas, dará comezo un ciclo informativo na Aula de Cultura Ponte de Rosas, a cargo de especialistas na investigación e control de catro ameazas instaladas no Val Miñor: O carrizo da Pampa, o picudo vermello das palmeiras, a avespa asiática (velutina) e unha serie de enfermidades infecciosas que afectan á poboación anfibia.

O ciclo se desenvolverá seguindo o seguinte programa:

Xoves 26 de febreiro. 20.30 horas.

Presenta Xosé Ramón García (Botánico e membro da Xunta de Goberno do IEM).

– 1º coloquio: “O carrizo da Pampa. Invasión a toda máquina”.

Relator: Miguel A. Fernández Martínez. Biólogo. Traballa no estudo e control de invasoras en Galicia, entre outras coas especies vexetais exóticas dos ríos de Pontevedra e cos cangrexos de río exóticos, describindo por primeira vez a presenza de Pacifastacus leniusculus no noso territorio. É autor das Guías das libélulas de Galicia e da Natureza dos ríos e ribeiras de Galicia.

-2º coloquio:  “Enfermidades infecciosas emerxentes. A ameaza definitiva para os herpetos galgos?”

Relator: César Ayres. Membro da Asociación Herpetológica Española e coordinador do programa SARE en Galicia.  Integrante do equipo británico-español que está a estudar os patóxenos “ranavirus” que afectan á península ibérica. Este científico foi quen achegou as primeiras mostras de Galicia ao Museo Nacional de Ciencias Naturales (MNCN-CSIC) en 2010 e dende entón, encárgase de seguir periodicamente a evolución do patóxeno no encoro pontevedrés de Pontillón de Castro.

Xoves 5 de marzo. 20.30 horas

Presenta Pablo Casal Núñez (Profesor de Ed. Física e membro do IEM)

-3º Coloquio. “O picudo vermello das palmeiras. Impacto no Val Miñor”.

Relator: Antón Vázquez  Caamaño. Enxeñeiro agrícola pola Universidade de Santiago de Compostela. Adscrito á Consellería de Agricultura, traballa na Sanidade Vexetal Explotacións Agrairas da Delegación da CMRM en Pontevedra, nocivos de coarentena, como o cancro bacteriano do kiwi, o nemátodo da madeira do piñeiro, ou o picudo vermello que hoxe nos ocupa. Participa regularmente en actividades formativas e divulgadoras para técnicos e agricultores, ademais de publicar artigos de carácter técnico en revistas e medios profesionais.

-4º Coloquio. “A avespa velutina”

Relator: Suso Asorey. Biólogo pola Universidade de Santiago de Compostela. Especialízase no mundo das abellas. Socio fundador de AGA, Asociación Galega de Apicultura (1980) e tamén da cooperativa ERica Mel (1990). En 2004 funda a Casa das Abellas, centro de visitantes adiacos a resaltar o imprescindible labor ambiental destes insectos e o valor dos seus produtos. Ten publicado un ABC da apicultura, unha Guía do apicultor. A marabillosa historia da abella apolinaria, e DA flor á mesa, historia dunha pinga de mel. Na actualidade é portavoz de AGA e secretario técnico de Erica Mel S.C. G.

Deja un comentario

Tu dirección de correo electrónico no será publicada. Los campos obligatorios están marcados con *

Ahora en @gondomar_tv

Concello de Gondomar ift.tt/1LOAAyc #Gondomar

Foto al minuto

IMG_0810

Últimos comentarios

El tiempo en Gondomar

Tiempo en Gondomar

Síguenos en…

Síguenos en Facebook Síguenos en twitterSíguenos en Youtube Enlaza nuestras noticias